+
Search

ताजा अपडेट +

पपुलर +

माओवादी केन्द्र र नेकपा समाजवादी एउटै पार्टी बनाउने प्रयासमा छौँ : प्रचण्ड

मुनाल न्यूज डेक्स
२०८१ असार १६, आईतवार १४:४१ गते

२०८१ असार १६ गते , आईतबार
प्रधानमन्त्री पुष्पकमल दाहाल ‘प्रचण्ड’ले एकीकृत समाजवादीसँग एकता गर्ने चाहना भएको बताएका छन् ।

आइतबार एकीकृत समाजवादीको दशौं महाधिवेशनको उद्घाटन कार्यक्रममा उनले यो महाधिवेशनबाट एकताको पक्षमा निणर्य हुने आशा रहेको बताए ।

‘नेकपा एकीकृत समाजवादी र माओवादी बीचमा निर्वाचनअघि, निर्वाचनपछि र आजका मितिसम्म पनि हामी एउटै मोर्चामा बसेर सकेसम्म एउटै पार्टी बनाउने प्रयास गरिरहेका छौं, उनले भने, ‘मलाई लाग्छ यो महाधिवेशनले यो विषयमा ठोस निणर्य गरोस् ।’

प्रधानमन्त्री प्रचण्डले एकीकृत समाजवादीले आफ्नो दस्तावेजमा माओवादीलाई नजिकको मित्र भनेर मूल्यांकन गरेकोमा खुशी व्यक्त गरे तर, आफूलाई अस्थिर भनेकामा भने चित्त दुखाए । आफूले माक्र्सवादलाई जमेको पोखरी नभई गडगडाउँदो नदीका रुपमा बुझेको भन्दै परिस्थिति हेरेर अघि बढ्ने गरेको बताए ।

आफूले सरकारको नेतृत्व गरेदेखि भ्रष्टाचारविरुद्ध लगातार पहलकदमी अघि बढाइरहेको र भ्रष्टाचार मुद्दामा धेरै गिरफ्तार भएको प्रचण्डले दाबी गरे । तैपनि अहिले सबै भ्रष्टमात्र छन् भनेर प्रचारबाजी भइरहेको भन्दै उनले असन्तुष्टि जनाए ।

प्रतिक्रिया

लेखकको बारेमा

मुनाल न्यूज डेक्स

Hatemalokhabar Media Company pvt ltd