२४ फागुन २०७८, मंगलवार
झापाको डोमालाल राजवंशी रंगशालामा जारी गोल्ड कपमा आज महिलाहरुलाई प्रवेश निशुल्क गरिएको छ । अन्तर्राष्ट्रिय महिला दिवसको अवसरमा नेपाल आइस पाँचौ झापा गोल्ड कप हेर्न महिलाहरुलाई निशुल्क प्रवेशको व्यवस्था गरिएको हो ।
‘नारीहरुलाई अवसरमात्र हैन सम्मानपनि गर्नुपर्छ,’ गोल्ड कपका अध्यक्ष विनोद बस्नेतले भने,‘उहाँहरुको सम्मान स्वरुप फुटबलको मनोरञ्जनका लागि आज विना टिकट महिलाहरुलाई प्रवेश गर्न दिनेछौँ ।’ जारी गोल्ड कपमा आज संकटा क्लब र थ्रीस्टार क्लबबिच खेल हुने आयोजकले जनाएको छ । संकटाले नेपाल पुलिस क्लबलाई पराजित गरेर क्वार्टर फाइनल प्रवेश गरेको थियो ।
प्रतियोगिताको फाइनल फागुन ३० गते हुने झापा गोल्ड कपका महासचिव गजेन्द्र पौडेलले जानकारी दिए । पौडेलका अनुसार प्रतियोगिताको विजेताले १२ लाख ५५ हजार र उपविजेताले ६ लाख पाँच हजार रुपैँया प्राप्त गर्ने छन् ।
लेखकको बारेमा
प्रतिक्रिया