विक्की कौशल र सारा अली खान आफ्नो अर्को फिल्मको सुटिङमा व्यस्त छन् । विक्की र सारा अली मध्य प्रदेशको इन्दौर सहरमा रहेका छन् ।केही दिन अघि फिल्मको सुटिङका क्रममा विक्की र साराको तस्बिर सामाजिक सञ्जालमा भाइरल भएको थियो । यो तस्बिरमा विक्की र साराको फरक लुक देखिएको छ । अहिले यही तस्बिरका कारण विक्की कौशल समस्यामा परेका छन् ।
भाइरल फोटोका कारण विक्की कौशल कानुनी समस्यामा परेका छन् । एक व्यक्तिले उनको गाडीको नम्बर चोरेको आरोप लगाएका छन् । भाइरल तस्बिरमा मोटरसाइकलमा सवार विक्की कौशलले चलाएको मोटरसाइकलको नम्बर आफ्नो गाडीको भएको उजुरीकर्ताले दाबी गरेका छन् ।
उजुरीकर्ता जयसिंह यादवले भने– ‘फिल्ममा प्रयोग गरिएको गाडीको नम्बर मेरो हो । फिल्म युनिटलाई यसबारे जानकारी छ वा छैन थाहा छैन । यो अवैध छ, उसले मेरो नम्बर प्लेट बिना अनुमति प्रयोग गर्न सक्दैन। स्टेसनमा ज्ञापनपत्र दिएको छु । यस विषयमा कारबाही हुनुपर्छ।
बाणगंगाका एसआई राजेन्द्र सोनीले भने– ‘हामीलाई विक्की कौशल विरुद्ध उजुरी परेको छ, यो विषयमा छानबिन गरी नम्बर प्लेटको दुरुपयोग भए नभएको थाहा हुन्छ । दुरुपयोग भए मोटर वाहन ऐन बमोजिम कारबाही गरिने छ ।
लेखकको बारेमा
प्रतिक्रिया