झापा, ४ पौष २०७८
सन् २०२१ साउथ फिल्मका लागि एकदमै फलदायी साबित भएको छ । धेरै साउथ फिल्महरूले भारतीय दर्शक मात्र होइन, विश्वभरका मानिसहरूको ध्यान खिच्न सफल भएका छन् । हालै ठूलो बजेटको फिल्म आरआरआरको ग्रान्ड रिलिज अघि साउथको अर्को फिल्मले बक्स अफिसमा धमाकेदार कमाई गरिरहेको छ ।
उक्त चलचित्रको नाम हो ‘पुष्पाः द राइज’ हो । फिल्मले २ दिनमै बक्स अफिसमा सय करोडको आँकडा पार गरेको छ । यो फिल्मको कमाई देखेर सबै दंग परेका छन् । हलमा रिलिज भएका अन्य चलचित्र पनि यो चलचित्रको सफलताका कारण एडजस्ट गर्नुपर्ने भएको छ । यसैक्रममा पुष्पाको दोस्रो दिनको कमाईको तथ्यांक बाहिर आएको छ ।
ट्रेड एनालिस्ट रमेश बालाका अनुसार फिल्मले रिलिज भएको दुई दिनमै विश्वभर १०० करोडभन्दा बढी कमाइ गरेको छ । रिपोर्टका अनुसार फिल्मले २ दिनमा ११६ करोडको ब्यापार गरेको हो । फिल्मले पहिलो दिन ७१ करोड कमाएको थियो भने अर्कोतिर फिल्मले ४५ करोड कमाएको थियो । यो फिल्म शुक्रबार अर्थात १७ डिसेम्बरमा रिलिज भएको हो ।
चलचित्रको यो प्रदर्शनलाई एकदमै राम्रो र अचम्म मानिएको छ । फिल्मले अमेरिकाको बक्स अफिसमा १।३० मिलियन डलर कमाएको छ । तरण आदर्शले फिल्मको हिन्दी बक्स अफिसको आँकडा सेयर गरेका छन् । उनका अनुसार पुष्पाले पहिलो दिन ३ करोड र दोस्रो दिन ४ करोड कमाएको छ । यस हिसाबले यो फिल्मको हिन्दी संस्करणले २ दिनमा ७ करोड कमाएको छ !
लेखकको बारेमा
प्रतिक्रिया