२७ मंसिर २०७८, सोमबार ।
झापाको बीएण्डसी मेडिकल कलेज र पूर्वाञ्चल क्यान्सर अस्पताल सञ्चालक दुर्गा प्रसाईँ नेकपा एमालेको केन्द्रीय कमिटीमा मनोनीत भएका छन् ।
उनीसँगै पार्टीले १० प्रतिशत सदस्य मनोनीत गरेको हो । भक्तपुरमा दुई दिनदेखि जारी केन्द्रीय कमिटीको दोस्रो पूर्ण बैठकबाट अध्यक्ष केपी शर्मा ओलीले मनोनीत हुनेहरूको सूची पढेर सुनाएका थिए ।
झापाको बिर्तामोडमा बीएण्डसी मेडिकल कलेज र पूर्वाञ्चल क्यान्सर अस्पताल सञ्चालन गरिरहेका प्रसाईँ केही समययता एमालेको राजनीतिमा सक्रिय छन् ।
प्रसाईँ असोजमा भएको विधान अधिवेशन र चितवनमा भएको दशौं महाधिवेशनमा प्रतिनिधि थिए । माओवादी पृष्ठभूमिका प्रसाईँ एमाले अध्यक्ष केपी शर्मा ओलीको राजनीतिक भिजनलाई सघाउने भन्दै एमाले प्रवेश गरेका थिए ।
लेखकको बारेमा
प्रतिक्रिया