झापा,मंसिर ।
बिर्तामोड–भद्रपुर रोडमा सवारी दुर्घटना हुँदा बिर्तामोड ९ का एक पुरुषको मृत्यु भएको छ। धौला पुलनजिक पेट्रोल पम्प अगाडि ट्रकको ठक्करबाट मोटरसाइकल चालकको मृत्यु भएको हो। अर्का एक जना गम्भीर घाइते भएका छन्।
बिहीबार दिउँसो ३ बजे गरामनीबाट बिर्तामोडतर्फ आउँदै गरेको मे १ क ७८६ नं को ट्रकले विपरित दिशाबाट जाँदै गरेको मे ५ प १३६५ नं को मोटसाइकललाई ठक्कर दिएको थियो। ठक्करबाट मोटरसाइकल चालक बिर्तामोड ९ बस्ने ४३ वर्षिय सम्पत राजवंशीको मृत्यु भएको हो।
उनलाई उपचारका लागि लादै गर्दा बाटैमा मृत्यु भएको हो। सोही मोटरसाइकलको पछाडि सवार बिर्तामोड ९ बस्ने ३१ वर्षिया शान्ता कार्की सख्त घाइते भएकी छन्। उनको बिएण्डसी अस्पतालमा उपचार भइरहेको छ।
दुर्घटनापछि ट्रक र ट्रक चालक भद्रपुर १० बस्ने ३६ वर्षिय गंगा तामाङलाई नियन्त्रणमा लिइएको इलाका प्रहरी कार्यालय अनारमनी बिर्तामोडले जनाएको छ।
लेखकको बारेमा
प्रतिक्रिया