+
Search

ताजा अपडेट +

पपुलर +

अविरल वर्साले धानबाली सोत्तर हुँदा झापामा १२ हजार हेक्टरभन्दा बढीमा क्षति

मुनाल न्यूज डेक्स
२०७८ कार्तिक २, मंगलवार १३:२२ गते

झापा, कार्तिक २ ।
केही दिनदेखि आएको लगातार हावापानीले झापामा १२ हजार हेक्टरभन्दा बढी धान बालीमा क्षति पुर्याएको छ । बंगालको खाडी र मध्य भारतमा रहेको न्यून चापीय प्रणाली तथा पश्चिमी वायु प्रणालीको संयुक्त प्रभावका कारण शनिबार रातिदेखि हावासहितको वर्षा भइरहेको छ ।

बेमौसममा भएको हावासहितको मनसुनी वर्षाले झापामा १२ हजार हेक्टरभन्दा बढी धान बालीमा क्षति पुगेको कृषि ज्ञान केन्द्रले जनाएको छ । जिल्लाको १० देखि १५ प्रतिशत धान बालीमा क्षति पुगेको हो ।

यस वर्ष करिव ९० हजार हेक्टरमा धान बाली लगाइएको थियो । खासगरी पसाउन लागेको, पाक्न लागेको र काटेर खेतमा राखिएको धानमा क्षति पुगेको कृषि ज्ञान केन्द्रका कृषि अर्थविज्ञ शालिकराम भट्टराईले बताए ।

‘ जिल्लाका सबै पालिकाहरुमा क्षति पुगेको छ- उनले भने ´हावापानी नरोकिएकाले क्षति अझ बढ्न सक्छ ।’ मन्सुली , रंजित, आरपिजस्ता धानमा बढी क्षति पुगेको कृषि अर्थविज्ञ भट्टराईले जानकारी दिए ।

प्रतिक्रिया

लेखकको बारेमा

मुनाल न्यूज डेक्स

Hatemalokhabar Media Company pvt ltd