झापा,असोज १६ ।
चाड पर्व नजिकिदै जाँदा सिता एयरलाइन्सले काठमाडौं–ताप्लेजुङ, ताप्लेजुङ–भद्रपुर, भद्रपुर–ताप्लेजुङ र ताप्लेजुङ–काठमाडौं उडान गर्ने भएको छ । यसअघिको पुरानै भाडादरमा यसै हप्तादेखि उडान सुरु गर्न लागेको एड्भेञ्चर हिमालयन ट्राभल एण्ड ट्रेक प्रालिका प्रबन्धक रणबहादुर खड्काले जानकारी दिए । उडानका लागि यो प्रालिले समन्वय गर्दै आएको छ ।
झापालगायत तराईका जिल्लाबाट पहाड जाने यात्रु समेतलाई दृष्टिगत गरी उडान सुरु गर्न लागिएको खड्काले बताए । काठमाडौंबाट ताप्लेजुङ यात्रु लिएर आएको जहाज ताप्लेजुङका यात्रु लिएर भद्रपुर जाने, भद्रपुरका यात्रु ताप्लेजुङ ल्याउने र ताप्लेजुङका यात्रु लिएर काठमाडौं जाने जनाइएको छ । यसो गर्दा ताप्लेजुङबाट काठमाडौं जाने यात्रु धेरै भए उनीहरुलाई भद्रपुर पुर्याएर त्यहाँबाट पनि पठाउने योजना बनाइएको छ ।
B&C सञ्चालक दुर्गा प्रसाईं एमाले महाधिवेशन प्रतिनिधि
लेखकको बारेमा
प्रतिक्रिया