झापा, असोज ९ । झापाको हाल्दिबारी गाँउपालीकाको गोल्धापका २ सयभन्दा बढी व्यक्ति नेकपा एमालेमा प्रवेश गरेका छन् । राप्रपा, नेपाली कांग्रेस र माओवादीका वडास्तरीय कार्यकर्ताहरु पार्टी परित्याग गर्दै एमालेमा प्रवेश गरेका हुन् ।
नेकपा एमाले हल्दिबारी १ नम्बर वडा कमिटीले शनिवार आयोजना गरेको विस्तारित भेलामा पार्टी परित्याग गर्दै वडाका प्रभावशाली नेता, कार्यकर्ताहरु एमाले प्रवेश गरेका हुन् । माओवादीबाट गत निर्वाचनमा उमेद्वार भिम कुमारी दर्जी र स्थानीय नेता हेम कुमार गुरुङ्गको नेतृत्वमा पार्टी प्रवेश गरेका छन् ।
गोल्धापमा एमाले प्रवेशले राप्रपा, कांग्रेस, माअोवादी सहितका पार्टीलाइ ठुलो क्षति पुगेको छ । पार्टी प्रवेश गर्नेहरुमा अधिकांश राप्रपा, कांग्रेस र नेकपा माओवादी केन्द्रमा आवद्ध कार्यकर्ता रहेको हल्दिबारी गाउँ कमिटी अध्यक्ष त्रिलोचन सापकोटाले जानकारी दिए ।
नेकपा एमाले हल्दीवारी–१ का कार्यबाहक अध्यक्ष तुलसी प्रसाद भट्टराईकोको अध्यक्षतामा भएको थियो । विस्तारित भेलालाई जिल्ला सचिवालय सदस्य सदस्य नारायण पोख्रेल ,नरेश चुडाल, छवि चुडाल, पूर्व जिल्ला सदस्य मोहन चन्द्र रेग्मी लगायतले शुभकामना मन्तव्य राखेका थिए । कार्यत्रमको प्रमुख अतिथि लक्ष्मण पाठक रहेका थिए ।
लेखकको बारेमा
प्रतिक्रिया