झापा । गुडिरहेको क्रेनबाट खसेर झापामा एक जनाको मृत्यु भएको छ। मृत्यु हुनेमा सप्तरीको बोदे बर्साइन नगरपालिका–५ का २५ वर्षीय जोगेन्द्रकुमार साह रहेको प्रहरी कार्यालय झापाका डिएसपी राकेश थापाले जानकारी दिए। उनी क्रेनका सहचालक हुन्।
प्रहरीका अनुसार अर्जुनधारा नगरपालिका–३ मिलन चोकमा आइतबार बेलुका पश्चिमबाट पूर्वतर्फ जाँदै गरेको ना १ क ५४०० नम्बरको गुडिरहेको क्रेनबाट उनी खसेका थिए। त्यसपछि क्रेनको पछाडिको चक्काले कुल्चिँदा उनको घटनास्थलमै मृत्यु भएको प्रहरीले बताएको छ।। क्रेन र क्रेन चालक रौतहटको रङ्गापुर–२ निवासी २५ वर्षीय मुकेश चौधरीलाई प्रहरीले नियन्त्रणको छ ।
लेखकको बारेमा
प्रतिक्रिया