अन्ततः बजार बन्द हुने बेलामा नेप्से सूचक हरियो बनेको छ । कारोबारको पहिलो प्रहरमा आकर्षक हिसाबले बढेको नेप्से बजार बन्द हुनेमा बेला थोरै प्रभावित भएको हो । तथापि, बन्द हुँदा सूचक हरियै रहन सफल भएको छ । यसले सकारात्मक संकेत गरिरहेको जानकार हरू बताउछन। नेप्से सूचक ०.२७ अंकले बढेर २९४७.६९ अंकमा अडिएको छ । अघिल्लो दिन बजार बेस्सरी बढेकाले पनि नाफा बुक गर्नेहरु अल्पकालीन कारोबारीहरु सक्रिय हुँदा सूचक अन्तिम प्रहरमा केही दबाबमा परेको हो ।
शूरूवाती समयमा बढेपनी कारोबारको अन्तिम समयमा हाइड्रोपावर समूहमा अलिबढी बिक्रेता हावी भए । यस दिन निर्जीवन बिमा समूहतर्फ लगानीकर्ताको आकर्षण मोडिएको पाइएको छ । अन्य समूहको तुलनामा यसको सूचकमा अलिबढी तेजी छ । १३ मध्ये ७ समूहको सूचक बढेको छ । यतिबेला केन्द्रीय बैंकको नीतिका कारण सेयर बजार प्रभावित भएको भन्दै लगानीकर्ताहरु आन्दोलनमा उत्रिएका छन् ।
यो लाभांशको सिजन हो । सूचीकृत कम्पनीहरुले गत वर्षको मुनाफाबाट धमाधम लाभांश घोषणा गर्न थालेका छन् । कोरोना कहरका बीचमा पनि सूचीकृत कम्पनीहरुले औसतमा नाफा वृद्धि गरेका छन् । उनीहरुले अब लाभांश घोषणा गरेपछि साधारण सभा बोलाउनेछन् । सभाबाट पारित भएपछि लगानीकर्ताको खातामा लाभांश पठाउने कार्य सुरु हुनेछ ।
विशेषगरी सेयर धितो कर्जामा १२ करोडको सीमा र नवीकरणलाई परिमार्जन गर्नुपर्ने विषय लगानीकर्ताहरुले उठाइरहेका हुन। यस विषयलाई केन्द्रीय बैंकले ढिलोचाँडो सम्बोधन गर्ने अपेक्षा गरिएको छ । लगानीकर्ताहरुलाई धितोपत्र बोर्ड र राष्ट्र बैंकले वार्तामा पनि बोलाएको छ । लगानीकर्ताका जायज मागहरु पूरा भएमा बजारका लागि सकारात्मक पक्ष हुनेछ ।
लेखकको बारेमा
प्रतिक्रिया